“Brenda është politika” Artan Hoxha ngre alarmin: Në Shqipëri po qarkullojnë vrasës të huaj

Gazetari investigativ Artan Hoxha ka zbuluar detaje të tjera rreth atentatit mafioz që tronditi Durrësin ditën e premte në mbikalimin e Shkozetit, ku mbeti i plagosur prokurori Arian Ndoja, shoferi i tij Andi Maloku si edhe Landi Muharremi.

I ftuar në ABC News, Hoxha ka theksuar se janë një seri ngjarjesh që kanë ndodhur dhe se kjo e fundit ishte e paraljmëruar.

Ndër të tjera ai shtoi se politika nuk shkundet më pasi politika është brenda.

Hoxha gjithashtu ngre alarmin se në Shqipëri po qarkulloljnë edhe vrasës të huaj me pagesë.

 “Janë një seri ngjarjesh që kanë ndodhur, kjo ishte e paralajmëruar. Nëse hapim kronikën e viteve të fundit në këtë aks rrugor kanë ndodhur të gjitha ngjarjet pa autorë. Kemi arritur në një pikë ku me të vërtet duhet të shkundet shoqëria sepse politika nuk shkundet më, politika është brenda. Kryeministri dhe zëvendës-kryeministri duhet të japin deklarime në Prokurori. Akoma nuk kanë dalë prova shkencore nga kjo ngjarje, janë shumë elementë që duhen parë. Kemi të bëjmë me vrasës që s’kanë lidhje direkte me viktimat, janë të porositur”, tha gazetari Hoxha.

Gazetari Hoxha  shtoi më tej: “Nuk ka më besim tek policia, në vend ka grupe të cilët funksionojnë në lidhje me njëri-tjetrin. Shqipëria është qarkuar edhe nga vrasës me pagesë të huaj”.