Moderatori dhe gazetari i njohur Arjan Çani puntatën e kaluar i komunikoi lajmin të gjithë shikuesve se asistentja e tij “Sofi” ishte larguar nga “Zonë e Lirë”.
Tashmë një tjetër figurë do të zërë vendin e saj, ndërkohë që nuk dihet se kush do të jetë vajza më e re që do të ndihmojë të ftuarit të zënë vendet apo do i shërbejë atyre pijet.
Gjatë emisionit Arjan Cani shprehu falenderimet e tij për Xheni Brahajn ose sic njihet ndryshe me pseudonimin Sofia, që ai zgjedh tua vendosë gjithmonë asistenteve të tij.
Së fundmi në një prononcim për “Albeun”, Xheni Brahaj zbulon arsyen pse u largua në mes të sezonit televiziv.
“Emisioni Zonë e Lirë ka qenë një nga shkallet e para të karrierës time. Tani jam shkëputur sepse synimet e mia janë në rritje. Hoqa dorë sepse tashmë dua të shfaqem ndryshe në sytë e publikut, jo vetëm si një velinë e bukur”, ka thënë Xheni.
