Një ngjarje e rëndë ka ndodhur në Lazarat, ku një biznesmene ka rënë pre e dhunës nga një 35-vjeçar, i dënuar më parë për trafik lëndësh narkotike.
Mësohet se autori është njëkohësisht dhe nipi i burrit të saj, i konsideruar si një person mjaft problematik.
Burimet bëjnë me dije se biznesmenia që ka rënë pre e dhunës është Lavdie Buzheri nga Lazarati dhe dhunuesi quhet Alfons Buzheri.
Ngjarja ndodhi në një magazinë në lagjen Kordhocë dhe debate mes tyre ka lindur brenda në ambientet e pronës së të dhunuarës ku ajo ka kundërshtuar kërkesën e dhunuesit për të hyrë brenda.
Mirëpo kjo nuk është pritur aspak mirë nga i riu lazaratas,i cili e ka dhunuar duke i shkaktuar plagë të shumta në trup dhe gjymtyrë.
Policia mbërriti në vendngjarje duke e shoqëruar autorin në rajon ku dhe më pas është lënë i lirë.
Nga ana tjetër vetë biznesmenia ndodhet në gjendje të rëndë fizike dhe psikologjike në spital.
