Betimi te noterja, Braçe mbron me vrap Arta Vorpsin: Noteria nuk është parukeri, funksionon mbi bazën e ligjit

Menjëherë pas përfundimit të seancës së jashtëzakonshme parlamentare, zv. kryeministri Erion Brace i është përgjigjur gazetarëve në lidhje me betimin e djeshëm të anëtares së Gjykatës Kushtetuese Arta Vorpsi, të cilin e bëri në një zyrë noteriale në Tiranë.

Por Brace e konsideron këtë akt si brenda normave pasi noteria funksionon mbi bazën e ligjit dhe nuk është parukeri.

“Noteria funksionon mbi bazë të një ligji dhe në asnjë rast në botë nuk është parukieri. Kushtetutën nuk e zëvendëson dot kurrkush”, u shpreh zv.kryeministri.

Braçe: Kam përshtypjen që ju mediat i jeni referuar dhe e keni intervistuar kryetaren e dhomës së noterëve, e cila i është referuar një procesi që ajo e konsideron ligjor. Noteria funksionon mbi bazë të një ligji dhe në asnjë rast në botë nuk është parukieri. Kushtetutën nuk e zëvendëson dot kurrkush. Kushtetuta ka thënë që i katërti nuk bëhet dot i dyti, ndaj kur flasim për kushtetutë i referohemi në tërësi. Sa kohë që ka ndodhur një akt që është antikushtetues qëndrojmë tek ai akt që e bën të pestin – të parin, të katërtin – të dytin dhe kështu me radhë.