Ish-kryeministri Sali Berisha ka bërë sot në mbrëmje një deklaratë shumë të fortë.
I ftuar në programin “360 gradë” Berisha u shpreh se Olsi Rama, vëllai i kryeministrit Edi Rama dhe nipi i ish-diktatorit Enver Hoxha, Ermal Hoxha janë dy ndërtuesit kryesorë të Uzinës kryesore të kokainës në Ballkan.
Sipas tij Walther Moreno dhe Avila Gutieraz janë Olsi Rama dhe Ermal Hoxha por me emra të falsifikuar që të mos zbuloheshin.
“Këta të dy që shihni ju këtu janë eksponentët kryesorë të uzinës më të madhe ballkanike të kokainës që u ndërtua në Xibrakë. Është në mënyrë figurative. Ky quhet Walther Moreno, kurse ky quhet Avila Gutieraz. Në fakt këta nuk janë gjë tjetër se Olsi Rama dhe Ermal Hoxha, të cilët kanë qenë epiqendër e ndërtimit të uzinës së parë më të madhe në Ballkan të kokainës. Ata kanë nxjerrë nga Shqipëria Genc Xhixhën, e kanë transportuar me dhjetëra herë me makinën e përshtatur për transportin e kokainës. Nipcja e Hitlerit shqiptar do pasurohej edhe ai me miellin e bardhë.” , u shpreh Berisha në studio.
