Ish-kryeministri Sali Berisha ka komentuar “Shengenin Ballkanik” ku ka folur në lidhje dhe me një marrëveshje që Rama-Vuçiç sipas tij kanë bërë kundër Kosovës.
Ndër të tjera Berisha është shprehur se me një akt të tillë Rama e dëshmon për të disatën herë fytyrën prej albanofobi primitive të Kosovës.
Ndërkohë, Berisha zbulon prapaskenat duke thënë se kanjë pakt me 718 nene të përgatitur në Beograd me qëllim defaktorizimin e Kosovës.
“Një akt i tillë nuk mund të jetë kurrë i paqëllimshëm. Por ky akt në të cilin dëshmon për të shumtën herë fytyrën prej armiku të egër, prej albanofobi primitiv të Kosovës, por edhe të mbarë shqiptarë është vetëm akti i fundit që shpalosi Zografi Bis pas firmosjes së Paktit për Minijugosllavinë apo de facto Serbinë e madhe në Nish me Vuçiç.”
Më tej, Berisha është shprehur se pakti i përgatitur në Beograd kishte synim defaktorizimin e Kosovës dhe vasalizimin e Shqipërisë, e këtë e kanë konfirmuar edhe nga Serbia.
“Pakti me 718 nene i përgatitur në fshehtësi të plotë në Beograd kishte dhe ka synim të plotë defaktorizimin e Kosovës, vasalizimin e Shqipërisë. Zëvendës ministri serb i mbrojtjes në takimin e SEDMI-t i tha zëvendës ministrit të Shqipërisë në prani të 7 vetëve se kryeministri i juaj ka rënë dakord në Nish me presidentin Vuçiç që Kosova të mos ftohej në Nish, mbasi si ç’e shihni atë e përfaqëson Beogradi”, ka thënë ish kryeministri shqiptar për “Bota sot”.
