Kryetari i Partisë Demokratike Lulzim Basha ka nisur sot turin e takimeve “Rrugëtimi për Shqipërinë” ku është ndalur në qytetin e Elbasanit.
Ai është takuar me të rinjtë e këtij qyteti dhe ka premtuar se gjëja e parë që do të bëjë ai dhe Partia Demokratike është rikthimi i shpresës në Shqipëri.
Basha i është drejtuar të rinjve të pranishëm dhe ka thënë se qeveria aktuale ka dështuar me ta duke u vrarë shpresën.
“Rinia është ajo që i kane hequr te parës vëmendjen qeveritarët e sotëm. Dështimi numër një i kësaj qeverie, është dështimi me rininë. Jo për faj të rinisë por për shkak se kjo qeveri ka vrarë shpresen”, tha kreu i PD.
Ndër të tjera ai uroi që kjo ditë të jetë një ogur i mirë për të rinjtë dhe opozitën teksa ost kujtohen dy ngjarje të rëndësishme: nisja e protestave të të rinjve në Gjermaninë Lindore për shembjen e Murit të Berlinit dhe 28-vjetori i mbajtjes së meshës së parë në Shqipëri, e cila shënon rikthimin e besimit fetar 24 vjet pas ndalimit nga ish-regjimi komunist.
Përpara të rinjve të Elbasanit, Basha deklaron se qeveria aktuale ka varfëruar e rënduar brezin e ri duke ua vështirësuar jetën së tepërmi.
‘’Kam nderin dhe kënaqësinë të nisim bashkë nga Elbasani këtë rrugëtim, këtë bashkëbisedim me shqiptarët, që këtë javë i dedikohet tërësisht të rinjve: studentë, të diplomuar, etj.
E nisim bashkëbisedimi me një gjë të veçantë. Sot janë dy ngjarje të rëndësishme. Është mbrëmja që përkujton një ditë të madhe për Europën, 4 nëntori 1989, nisja e demontratës më të madhe të të rinjve gjermano-lindorë për shembjen e Murit të Berlinit. E dyta është 4 nëntori i meshës së parë në Shkodër 1991, dita kur nisi të besohej sërish në Zot në Shqipëri. Është një nga ditët më të çmuara, që nis rrugëtimin drejt lirisë, demokracisë dhe vlerave të qytetërimit europian.
Shpresoj ta bëjmë të veçantë këtë ditë për ju dhe të rinjtë në të gjithë. Është një ogur i mirë që ky rrugëtim nis në një ditë të veçantë për familjet dhe të rinjtë shqiptarë ku kanë kthyer sytë të gjithë. E kam fjalën për ata që duan të dalin nga kriza. Rinisë ia kanë hequr vështrimin qeveritarët. Është dështimi më i madh i kësaj qeverie, që me rrogat e ulëta, me kostat e larta të jetesës po u pamundësojnë jetën shumë e shumë të rinjve’’, u shpreh Basha gjatë fjalës së tij.
