Ashtu sikurse bëri me dije disa ditë më parë, kreu i Partisë Demokratike, Lulzim Basha, do të nisë nga ditën e sotme Turin Kombëtar të Shpresës “Rrugëtim për Shqipërinë” në 12 qarqet e vendit, për të komunikuar drejtpërdrejt me qytetarët. Ndalesa e parë e Bashës do të jetë qyteti i Elbasanit, ku ai do të mbledhë pasditen e sotme, në orën 17:00, Kryesinë e Partisë Demokratike.
Ndërkohë, turi i demokratëve do të vazhdojë të martën në Korçë, të mërkurën në Shkodër, të enjten në Vlorë dhe të premten në Krujë, ku do të përmbyllet dhe java e parë.
Në takimin e parê që do të zhvillohet në qytetin e Elbasanit, kreu i PD bëri thirrje të rinjëve të bashkohen në bashkëbisedimin mebtë.
Dëgjesën e parë me të rinjtë, ai e zhvilloi në selinë e PD-së, ku ishte i pranishëm edhe kryetari i forumit të të rinjve të partisë së Kancelares Angela Merkel. Kryetari i Forumit Rinor të CDU, Tilman Kuban, i bëri thirrje demokratëve të pranishëm në takim të ndihmonin Lulzim Bashën, që të bëhet kryeministër sa më shpejtë.
