LIGJET E BIZNESIT
Menjëherë pas atentatit të pasdites së djeshme ndaj prokurorit Arjan Ndoja policia nisi hetimet për zbardhjen e ngjarjes dhe arrestimin e autorëve.
Mësohet se bashkë me Julian Meçen, në Policinë e Durrësit është shoqëruar edhe kunati i kreut të bandës së Durrësit, Lul Berishës, Plaurent Dervishaj.
Ka qenë një alibi se ata ndodheshin në një lokal, ajo që i ka shpëtuar ata nga “kthetrat” e Policisë. Policia ka bërë vëzhgimin e kamerave dhe të dy, Dervishaj dhe Meçe, shfaqen në një lokal në momentin e atentatit në Shkozet. Po të njëjtat burime sqaruan se Dervishaj është marrë në pyetje për këtë ngjarje dhe më pas është lënë i lirë.
Dervishaj bashkë me Meçen, shpëtuan për fat të mirë në një atentat tejet të rëndë në muajin qershor. Ende nuk dihet, pse policia ka shoqëruar Dervishajn, dhe nëse ai ka patur një konflikt të mëparshëm me prokurorin Arjan Ndoja, por ajo që deri më tani është një pistë hetimi, është ajo e hakmarrjes. Sipas burimeve nga grupi hetimor, ka dyshime se atentati ndaj Ndojës, ka patur si shënjestër Aleksandër Lahon, ose siç njihet ndryshe “Landi Muharremin”, pasi dyshja Dervishaj-Meçe ka patur informacione se atentati i muajit qershor është porositur nga i “tmerrshmi i Sukthit”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
