Atentati ndaj prokurorit Ndoja, ja çfarë vendosi Gjykata për Redjan Rrajën

Gjykata e Krimeve të Rënda ka vendosur të lërë në burg Redjan Rrajën, të arrestuarin e vetëm si i dyshuar për atentatin mafioz ndaj prokurorit Arian Ndoja ditën e premte në mbikalimin e Shkozetit në Durrës.

Kështu mësohet se Gjykata ka dhënë masën e arrestit “burg pa afat”, në përputhje me pretencën e prokurorisë.

Gjatë dëshmisë së tij, Redjan Rraja ka thënë se nuk ka gisht në krim dhe ka mohuar kategorikisht që të ketë qenë i përfshirë në ngjarje, duke u shprehur se nuk i njihte personat dhe gjithçka e mori vesh nëpërmjet medias.