LIGJET E BIZNESIT
Policia e Shtetit dhe FNSH prej disa ditësh ka nisur aksionin për të identifikuar dhe vënë në pranga personat e dyshuar si të përfshirë për atentatin mafioz ndaj prokurorit Arian Ndoja të premten e 1 nëntorit.
Deri tani i arrestuari i vetëm është Redjan Rraja, nipi i deputetit të Partisë Socialiste Rrahman Rraja.
Por përveç tij është shpallur në kërkim edhe Julian Sulo, i cili njihet ndryshe edhe si Juli i Pashakos.
Mësohet se forca të shumta të Policisë së Shtetit, Forcat Operacionale të Tiranës dhe FNSH janë vënë në ndjekje të tij.
Julian Sulo nuk është emër i panjohur për policinë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ai është arrestuar dhe liruar sërish disa herë.
Sulo ose “Juli i Pashakos” ishte një nga personat e parë që u shoqërua në polici për masakrën e Lushnjes ku u vranë Jurgen Hoxha dhe Zamir Latifi, miq të Aldo Bares, në tetor të vitit 2017.
Në kohën që kjo ngjarje terrorizoi qytetin e Lushnjes, “Juli i Pashakos” u vetëdorëzua në polici por u la i lirë pasi nuk kishte prova.
Julian Sulo dyshohet se është në dijeni për atentatin ndaj prokurorit Ndoja sepse njihet me Landi Muharremin ose “Rrumin”, i cili gjithashtu mbeti i plagosur, pasi ndodhej në të njëjtin automjet së bashku me prokurorin e Durrësit Arian Ndoja dhe shoferin e tij Andi Maloku, i cili ndërroi jetë mbrëmjen e djeshme pasi nuk mundi t’i rezistonte plagëve të marra.
