Asnjë fjalë për krizën/ Vendi zien nga kaosi për Gjykatën Kushtetuese, zbuloni ku ndodhet Rama

Në një moment kur vendi ndodhet në kulmin e krizës politike pas kaosit të krijuar në Gjykatën Kushtetuese, kryeministri Edi Rama ka vendosur të “marrë arratinë” dhe të bëjë një vizitë zyrtare në Arabinë Saudite.

“Në Riad me Princin e Kurorës Muhammed Bin Salman, për të diskutuar mbi ecurinë e përgatitjeve të disa investimeve të rëndësishme në turizëm, infrastrukturë dhe kulture”, shkruan Rama në një postim në rrjetet sociale pak minuta më parë.

Ashtu sic bën në pjesën më të madhe të vizitave jashtë Shqipërisë, Rama ka zgjedhur t’i dhurojë princit një nga pikturat e tij.

Kujtojmë se Edi Rama nuk ka thënë asnjë fjalë për ngërcin në Gjykatën Kushtetuese, ndërkohë që të seancën e kaluar në Kuvend, të enjten që lamë pas deklaroi nga foltorja se kjo është një histori e përsëritur e presidentit Ilir Meta.