Ka shumë raste në botën e medias rozë, ku intervista të ndryshme mund të rregullojnë punë por ka dhe nga ato që mund të prishin punë edhe të hapin probleme.
Një nga këto raste është dhe një intervistë e 10 viteve më parë, ku Rezarta Shkurtës i kanë dalë shumë probleme me bashkëshortin Ermal Hoxha.
Po përse ka ndodhur kjo situatë?
Këtë histori e ka rrëfyer vetë Rezarta Shkurta në programin “Thumb” të Fatmës dhe Aulonës, ku ka treguar se Aulona është bërë për pak shkaku për ndarjen e saj nga Ermali.
“Aulona më kërkoi të flisja ekskluzivisht për lidhjen time me Ermalin. Unë mendova meqë ishim shoqe në rregull po ia jap. Dhe të nesërmen si princeshë po prisja të lexoja intervistën kur lexoj titullin: Pse u ndava nga Ermali, bashkëshorti ideal”, shpjegoi Rezarta në emision.
Aulona më pas ka sqaruar se çfarë ka ndodhur, çdo gjë kishte të bënte me një gabim, për shkak të faqosjes së gazetës.
Titulli i një jave më parë ishte mbivendosur mbi titullin e Rezartës.
Një javë para saj Aulona kishte intervistuar Albërie Hadërgjonajn për ndarjen nga bashkëshorti titulli i intervistës të së cilës ishte: ‘Pse u ndava nga bashkëshorti’ , ndërkohë që i intervistës së Rezartës: Ermali, bashkëshorti ideal.
Pra, për shkak të një ngatërrese, Rezarta me siguri është shqetësuar paksa, por që sot e tregon me shaka këtë histori.
