“Arena Kombëtare” hap dyert për ndeshjen e parë

Pas një pune të gjatë dhe shtyrjeve, stadiumi “Arena Kombëtare” është gati për të pritur ndeshjen e parë të futbollit.

Ditën e sotme, në orën 19:00, në stadiumin e ndërtuar në gërmadhat e “Qemal Stafës” do të luhet takimi i kampionatit të femrave mes Vllaznisë dhe Apolonisë.

Kjo përballje ishte programuar për tu luajtur një javë më parë në këtë stadium, por u shty për shkak se “Arena Kombëtare” po pësonte një ndryshim të tapetit, i cili nuk ishte i përshtatshëm për stinën e dimrit.