LIGJET E BIZNESIT
Ish-deputeti dhe ish-ministri i Financave Arben Malaj ka komentuar qëndrimin e liderëve politikë të Shqipërisë pas tërmetit të fuqishëm të 26 nëntorit.
Ai e quan zhgënjyese mungesën e përgjegjësisë morale dhe politike të liderëve tanë që mbetet e njëjtë dhe në kushtet e një tragjedie kombëtare.
Malaj thekson se munguan takimet institucionale, mbledhjet e strukturave për sigurinë kombëtare apo qoftë dhe takimi i lidërve politikë në vendngjarje.
“Tërmeti bashkoi popujt e Ballkanit por nuk arriti dot të bashkonte liderët politikë të Shqipërisë”, shkruan Malaj.
REAGIMI I PLOTE I ARBEN MALAJT
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Tërmeti bashkoi popujt e Ballkanit, por nuk arriti të bashkojë dot liderët politikë të Shqipërisë. Kjo duket qartë në :
(1) asnje takim institucional i Kryetarit te Kuvendit, kryeministrit dhe Presidentit sapo ndodhi kjo tragjedi;
(2) Asnjë strukturë shtetërore për sigurinë kombëtare nuk u mblodh;
(3) Asnjë seancë parlamentare nuk u zhvillua;
(4) Asnjë takim kryeministër dhe lider opozite, as institucionalisht por as edhe ne vend-ngjarje;
(5) Luftë për dominim të medias, por fatkeqësisht edhe të mbështetjeve ndërkombëtare, kush telefonoi kë dhe të kujt prej tyre janë ndihmat që dërgon një qeveri;
(6) Përçmim dhe pengim të angazhimeve publike të kryetarëve të bashkive, të cilët janë të vetmit që zgjidhen drejtpërdrejtë me votë.
Prezenca publike e angazhimeve të kryetarëve publike në shumë qytete të prekura nga tragjedia është gati zero.
Në çdo vend tjetër demokratik, kryeministri, presidenti dhe lideri i opozitës duhet të kishin në krah kryetarin e Bashkisë dhe drejtorin e Policisë së Shtetit të qyteteve përkatese.
Zhgënjyese kjo mungesë përgjegjësie morale e politike e liderëve tanë politikë që mbetet e njejtë edhe në kushtet e kësaj tragjedie kombëtare.
