Kombëtarja e Kosovës ka humbur 4 me 0 në ndeshjen e futbollit kundër Anglisë. Ndeshja ka përfunduar në stadiumin “Fadil Vokrri”, ku Kosova i ka mbyllur me humbje eliminatoret për “Euro 2020”.
Harry Winks i Tottenham zhbllokoi rezultatin duke realizuar për 0-1 në minutën e 32-të, që doli të jetë rezultati i pjesës së parë. Në atë të dytë, anglezët e gjetën rrjetën edhe tre herë, shënuan Harry Kane (79’), Marcus Rashford (83’) dhe Mount (90’), për rezultatin përfundimtar 0-4.
Kosova në këtë sfidë ishte me disa mungesa, si Arbër Zeneli, Herolind Shala, Hekuran Kryeziu dhe Vedat Muriqit. Në mars Kosova do të luajë në ndeshjen kundër Maqedonisë në Ligën e Kombeve.
