Një alarm për bombë ngjalli panik mëngjesin e sotëm në Tiranë, teksa një çantë u gjet e braktisur në sheshin Skënderbej.

Një qytetar njoftoi policinë duke raportuar se në qendër të kryeqytetit ndodhej një çantë e hedhur në mënyrë të pazakontë.

Fillimisht u dyshua se brenda kishte një bombë dhe policia menjëherë rrethoi zonën duke bërë verifikimet e duhura.

Por në fund e gjitha ka rezultuar një alarm fals, pasi brenda çantës së harruar u gjetën vegla pune.