Aksidenti i rëndë pranë TEG, ndërron jetë 17-vjeçari

Një aksident i rëndë ka ndodhur mbrëmjen e djeshme në autostradën Tiranë- Elbasan.

Dy makina u përplasën në afërsi të rrethrrotullimit të TEG.

Për pasojë ka humbur jetën një nga pasagjerët, 17 vjeçari me iniciale K.V.

Gjithashtu mësohet se kanë mbetur të plagosur edhe 3 persona të tjerë të cilët po marrin ndihmën e nevojshme në spitalin e Traumës.

Grupi hetimor vijon punën për të zbardhur shkaqet dhe rrethanat e aksidentit.

NJOFTIMI ZYRTAR I POLICISE

Rreth orës 22:00, në aksin rrugor Tiranë-Elbasan janë përplasur dy automjete. Si pasojë e përplasjes nga plagët e marra ka ndërruar jetë në spital shtetasi; K. V.,17 vjeç, ndërkohë për ndihmë mjeksore kanë shkuar dhe tre shtetas të tjerë pa probleme për jetën. Grupi hetimor ndodhet në vendngjarje, ku po vijon punën për sqarimin e mëtejshëm të rrethanave të ngjarjes dhe shkakut të aksidentit.