Aksident i rëndë/ Ambulanca përplas gruan që po kalonte rrugën, me urgjencë drejt Tiranës

Një aksident i rëndë ka ndodhur në qytetin e Pogradecit.

Mësohet se një shofer ambulance ka përplasur një kalimtare në momentin që po kalonte rrugën.

Bëhet me dije se drejtuesi i ambulancës me iniciale Ll.P 62 vjeç ka goditur 77-vjeçaren K.P., e cila po kalonte rrugën.

Si pasoje e përplasjes së fortë gruaja është dërguar me urgjencë për në Tiranë.

Ajo ndodhet në gjendje kritike për jetën.

Policia ka shoqëruar drejtuesin e ambulancës dhe po punon për zbardhjen e plotë të shkaqeve dhe rrethanave të aksidentit.