Ajo që nuk u pa në mbledhjen e PS, ja çfarë i kërkoi Tom Doshi në tavolinë Edi Ramës

Ditën e sotme kryeministri Edi Rama ka zhvilluar një mbledhje me koordinatorët politikë të Rajonit të Veriut në selinë e Partisë Socialiste.

Sipas informacioneve Rama ka kërkuar llogari të koordinatorët e Shkodrës, pasi ata nuk e kanë bërë punën duke e parë administratën si mundësi punësimi për të afërmit e tyre.

Gjithashtu burime për Faxweb bëjnë me dije se deputeti Tom Doshi i ka kërkuar Edi Ramës nënkryebashkiakun e Vaut të Dejës.

Pas zgjedhjeve të 30 qershorit, kjo bashki drejtohet nga Mark Babani.

Partia Demokratike ka hedhur prej kohësh akuza të forta në drejtim të Babanit duke u shprehur se ai ka ndërruar tre herë emrin dhe se ka fshehur dënime të marra jashtë Shqipërisë.

Nga ana tjetër Tom Doshi pas disa vitesh ftohje me kryeministrin Edi Rama, në zgjedhjet e 30 qershorit u shfaq mjaft protagonist në rajonin e veriut dhe në mbështetje të hapur me Ramën.

Ndërkohë pak kohë më parë Partia Demokratike ka nënvizuar se Edi Rama po vendos PS-në në Shkodër nën administrimin e Tom Doshit personit i shpallur “non grata” nga Shtetet e Bashkuara të Amerikës.

“Pasi të lirohen postet e drejtorëve, do të jetë “mëkëmbësi” i Edi Ramës në Shkodër, Tom Doshi, që do të emërojë drejtorët e rinj rajonal, në koordinim të plotë me kreun e bandës së Rilindjes, kryeministrin e fatkeqësisë kombëtare.”, thuhej në njoftimin e Partisë Demokratike.