“A do keni guximin të hetoni zyrtarët e lartë të shtetit?” Ja si përgjigjet kandidatja për Kryeprokurore

Pas Arta Markut, Këshilli i Lartë i Prokurorisë ka nisur të marrë në pyetje kandidaten tjetër për Kryeprokurore Fatjona Memçaj.

Anëtari Tartar Bazaj e pyeti Memçajn nëse do të guxonte të vinte nën përgjim një funksionar të lartë të shtetit nëse do të konstatohej thyerja e ligjit nga ana e tij.

Tartar Bazaj: A do të guxojë Memçaj të vë në përgjim një funksionar të lartë po konstatoi se ka thyer ligjin?

Memçaj: Ju po më pyesni a do guxoj ta thyej ligjin. Unë nuk e thyej ligjin. Nuk jam nga ata njerëz që frikësohem, por do të thotë se ligjin e quaj të shenjtë dhe nuk ia lejoj vetes t’a bëjë. PP është akuzuar se nuk repsekton të drejtat njerëzore, të gjithë të barabartë para ligjit. Do pranoja çdo penalitet nëse nuk do e bëja.