Një ditë pas shkrimit që publikoi “The Guardian”se kryeministri Edi Rama i ka premtuar biznesmenëve të huaj pasaportë shqiptare në këmbim të një investimi 100 mijë euro në Shqipëri ku do të përjashtohen 10 vjet nga taksat, ka ardhur dhe reagimi i ish-ministrit të Drejtësisë Ylli Manjani.
Me anë të një postimi me nota ironike Manjani komenton premtimin e Edi Ramës dhe qeverisë shqiptare për të pasurit e huaj dhe bën një ofertë ku shkëmben pasaportën e tij për gjysmën e kësaj shume.
“Qeveria do ofrojë pasaporta shqiptare për të huajt, për 100 000 Euro.
???
Po mirë, po e ofroj pasaportën time për gjysmën e çmimit.
Preferoj në fakt ta shkëmbej me një pasaportë të një vendi të BE.
Nuk do ishte keq, apo jo?!.”, shkruan Manjani në Facebook.
