Një 16 vjeçare shqiptare është shpallur e humbur që prej tre ditësh në Fasano të Italisë.

Mësohet se adoleshentja quhet Lila Mile dhe që prej datës 10 tetor askush nuk di asnjë informacion për të.

16-vjeçarja është zhdukur rreth orës 12 të mesditës për të mos u kthyer më kurrë.

Në momentin e largimit ajo ka marrë me vete vetëm pasaportën.

Familjarët e alarmuar kanë kërkuar ndihmën e policisë italiane dhe sipas informacioneve, vajza është akoma në territorin italian.

Për herë të fundit vajza është parë në stacionin e Fasanos, e veshur me këmishë të kuqe, pantallona të shkurtra të bardhe dhe këpucë të zeza.

Babai dhe vëllai i saj janë të shqetësuar për vajzën.

Ky i fundit ka zbuluar disa mesazhe të Lilës me një djalë shqiptar në Snapchat, me të cilin kishte muaj që bisedonte.