Zgjedhjet në Kosovë/ Flet Ministri Cakaj

Teksa procesi i votimit ka nisur, zyrtarë të lartë të Kosovë por jo vetëm pritet u drejtohen kutive të votimit. I pari ka qenë Ministri në Detyrë për Evropën dhe Punët e Jashtme Gent Cakaj, në respektim të së drejtës Kushtetuese, ka votuar sot në Prishtinë në ambientet e shkollës “Shtjefën Gjeçovi”.

Cakaj e clësoi këtë ditë si shumë të rëndësishme dhe votimet si ushtrimin më të frytshëm të demokratik. I pyetur në cilesinë e qytetarit të Kosovës dhe jo të Kreut të Diplomacisë së Shqipërisë, Cakaj ka evidentuar dhe çështjet e shqetësimet që kanë më së shumti sot qytetarët e Kosovës.

“Une nuk jam thjesht një shtetas i Republikës së Shqipërisë dhe Republikës së Kosovës, por jam edhe një qytetar aktiv i cili beson që fati këtyre dy vendeve është i pandashem. Qoftë zgjedhjet e qershorit në Shqipëri, qoftë zgjedhjet e tetorit tani pavarësisht dallimeve të dy vendeve kanë diçka të përbashkët, janë shprehje e vullnetit të përgjithshëm politik.” shprehet Cakaj.