LIGJET E BIZNESIT
Pas deklaratave të sotme të kryedemokratit Lulzim Basha se vendi duhet të shkojë sa më parë në zgjedhje të parakohshme pasi kjo është rruga e vetme për zgjidhjen e krizës, ka ardhur dhe reagimi i ministres së Shtetit për Marrëdhëniet me Parlamentin Elisa Spiropali.
Me anë të një reagimi në rrjetet sociale Spiropali shkruan se Basha dhe shumica e tij imagjinare duhet të presin zgjedhjet e rradhës për tu rikthyer në parlament.
REAGIMI I PLOTE I ELISA SPIROPALIT
Lulzim Basha dhe shumica e tij imagjinare duhet të presin zgjedhjet e radhës per t’u rikthyer në Parlament, prej ku u larguan vullnetarisht me daullet e fitores imagjinare!
Qeveria dhe shumica jonë e votuar për të qeverisur 4 vjet, kanë shumë detyra e punë për të realizuar deri në përfundim të mandatit, në respekt të kontratës me shqiptarët. Ata që e grisën kontratën me zgjedhësit e tyre, nuk kanë asnjë të drejtë po as edhe një shans gjithashtu, të grisin kontratën tone.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ne po përgatitemi për dy sezone të reja betejash në çdo drejtim dhe për një Shqipëri më të mirë në çdo fushë të jetës. Nga ana tjetër, sa më shumë Lulzim Basha dhe shumica e tij imagjinare refuzojnë dialogun për reformën zgjedhore, aq më pak kohë kemi ne për të humbur me ta. Brenda dhjetorit do te votojme Reformën Zgjedhore sipas rekomandimeve të OSBE/ODIHR dhe do të vazhdojmë më tej me pikat kyçe të procesit të integrimit europian, duke përdorur si hartë drejtuese rezolutën e Bundestagut, si edhe të gjitha pikat e tjera të programit tonë për Shqipërinë që duam.
