Vuante nga një sëmundje e pashërueshme, ndahet nga jeta aktori i njohur turk

Aktori turk, Tarik Unluoglu, ka ndërruar jetë këtë të martë në moshën 61-vjeçare.

“DHA” raporton se veterani i kinematografisë turke prej disa kohësh po kurohej në spital për një sëmundje në mushkëri.

Unluoglu së fundmi ka luajtur rolin e Unal Kaplan në serialin “Familja e Madhe”. Sipas medias turke, ai ka luajtur në këtë serial edhe gjatë kohës që kishte probleme shëndetësore.

Me përkeqësimin e shëndetit, Unluoglu u detyrua të largohej nga seriali që vazhdon transmetimin e sezonit të 6 të Turqi.

Tarik Unluoglu ka luajtur me dhjetëra role në teatër, filma dhe seriale, përfshirë edhe të famshmet “Lugina e Ujqërve” dhe “Familja e Madhe”.