Vrau 15-vjeçarin gjatë operacionit në Lezhë, arrestohet pas 9 vitesh në arrati ish-polici (EMRI)

Ditën e sotme është arrestuar në Francë, ish-polici Skënder Seferi, i cili akuzohet për vrasjen e një 15-vjeçari në Lezhë.

Ai ra në prangat e policisë pas 9 vitesh në arrati.

Seferi, i shpallur në kërkim ndërkombëtar, ka vrarë në Lezhë në vitin 2010 gjatë një operacioni policor, 15 vjeçarin Armando Skandaj.

Sipas të dhënave vrasja e 15-vjeçarit ndodhi nga pakujdesia dhe Seferi ka qëlluar në drejtim të mjetit ku udhëtonte Armando Skandaj së bashku me të vëllanë, pasi drejtuesi i makinës nuk i është bindur postbllokut të policisë për të ndaluar.

Skender Seferi në atë kohë mbante detyrën e shefit të antiterrorit në Drejtorinë Vendore të Policisë në Lezhë.

Ish oficeri i policisë është dënuar me 5 vite burg nga Gjykata e Lezhës me 11 dhjetor të vitit 2015-të me akuzën e vrasjes nga pakujdesia.