“Dalin ca plaka të këqia dhe pengojnë punimet” vëllai i pronarit që do ndërtojë në Laknas fyen protestuesit
Gjatë gjithë ditës së sotme banorët e Laknasit në Kamëz kanë qenë në protestë pasi kundërshtojnë me forcë ngritjen e një thertoreje në zonën e pyllëzuar në afërsi të banesave të tyre.
Banorët shprehen se ata do të mbrojnë këtë zonë në të cilën është planifikuar të ndërtohet thertorja e derrave dhe lejen pronari i firmës Bledar Daci e ka marrë nga kryetari i Bashkisë Kamëz Xhelal Mziu edhe pse zona është pyjore.
Kemi bërë projekte. Çohen dy veta aty dhe bllokojnë punën.Ne kemi folur me banorët, me dy tre persona që nuk kanë pasur pretendime. Këtu nuk po ndërtohet një biznes.“- u shpreh Daci.
Gazetarja: Pse nuk vjen vetë pronari, Bledar Daci, por vini ju i vëllai?
“Vije edhe unë do vijë nesër ai. Ne jemi në të drejtën tonë, sipas ligjit dhe kemi zbatuar të gjitha procedurat që ka shteti. Nga ish-kryetari e kemi marrë lejen. Kemi biseduar është në ligj. Është agroturizëm. Sipas letrave është 1.2 hektar. Kam biseduar me disa banorë, nxisin gratë që të bllokojnë punimet. Ne kemi folur hapur. Nuk fshihemi. Unë jam vetë prezent. Është e pavërtetë. Dalin dy tre plaka të kqija aty dhe ulen duke pengu.”- u shpreh Arben Daci.
