Në konferencën e përbashkët midis ministrave të Drejtësisë së Rajonit, kryeministri Edi Rama ka folur dhe për çështjen e hapjes së negociatave së Shqipërisë me Bashkimin Europian.
Ndër të tjera Rama zbuloi dhe mënyrën sesi kancelarja gjermane Angela Merkel arriti të binde deputetët e Bundestagut që të jepnin një “PO” për Shqipërinë dhe e pranoi që vetë nuk mundi dot që të merrte këtë konfirmim pa mbështetjen e kancelares.
“Kur po bën operacion tek një trup i dikujt, duhet parë se nga cili këndvështrim e sheh, sepse shyqyr Zoti, që ka ende njerëz të mençur në Evropë, Angela Merkel është kampione e kësaj dhe ajo tha diçka që u dëgjua nga grupi parlamentar.
Unë e citoj: Ishim ne që i kërkuam shqiptarëve që ta pastronin sistemin, dhe a kanë faj që e pastruan sistemin dhe nuk ka gjykatë Kushtetuese, a duhet tu hedhim faj apo t’i përgëzojmë?
Ne thjesht po kërkojmë të vazhdojmë një rrugëtim që do të kërkojë shumë kohë, nuk po themi të anëtarësohet. Hapi tjetër do të jetë që do të ketë një Gjykatë Kushtetuese funksionale, dhe ky fakt në këtë moment tregon sukses dhe jo dështim. E them nga hera, tashmë jemi dy. Shyqyr që personi tjetër ka mundësinë ta bëjë Gjermaninë të thotë PO, unë nuk arrita dot.”, u shpreh Rama ndër të tjera.
