Pasi ministrja e Shëndeetësisë Ogerta Manastirliu e shkarkoi nga detyra, ka ardhur dhe reagimi i bashkëshortit të zv.ministres së Brendshme Rovena Voda, Aurel Voda.
Me anë të një postimi në rrjetet sociale, Voda ka kërkuar falje publike për të gjithë fjalorin që ka përdorur.
Ndër të tjera ai shkruan se prej 6 vitesh ndodhet në krye të FSDKSH dhe asnjëherë nuk janë ndërmarrë penalizime ndaj tij.
Ministrja Manastirliu njoftoi sot shkarkimin e Vodës si drejtor i Shërbimit Parësor dhe Spitalor, FSDKSH.
Po ashtu ai i ka kërkuar falje edhe familjes, ndërsa përfundon mesazhin duke thënë se ‘treni nuk mund të ndalojë për asnjë person, kushdoqoftë ai’.
REAGIMI I PLOTE
JU KERKOJ FALJE PUBLIKE të gjithë qytetarëve, që me të drejtë janë prekur nga fjalët e mia jashtë etikës qytetare.
Me këtë rast dua ti sqaroj se kam në FSDKSH që nga tetori i 2013 dhe sot mbusha plot 6 vjet. Kam qenë mbrojtësi më i mirë i parave të taksapaguesve shqiptar. Me giithë tallazet që ka kaluar ky institucion unë nuk jam penalizuar asnjëherë as nga Auditi i Brendshëm, as nga KLSH.
Kam në pronësi 1/4 e një pallati 80 m2 në Durrës, por jam i lumtur se kam një familje të shkëlqyer prej 7 anëtarësh, dy prindrit, tre fëmijët dhe unë e bashkëshortja. Iu kërkoj falje edhe atyre.
Gjithsesi treni nuk mund të ndalojë për asnjë person, kushdoqoftë ai.
