U dënua me 3.4 vite shërbim prove, Prokuroria ankimon vendimin për Saimir Tahirin

Ditën e sotme Prokuroria e Krimeve të Rënda ka ankimuar në Gjykatën e Apelit për Krimet e Rënda vendimin ndaj ish-ministrit të Brendshëm Saimir Tahiri, i cili u dënua me 3.4 vite shërbim prove.

Ditën e djeshme edhe ish-ministri ka pretenduar pafajësinë duke ankimuar edhe ai vendimin e Gjykatës.

Kujtojmë që Prokuroria kërkoi fillimisht dënimin me 12 vite burg për ish-ministrin, dënim i cili zbriste në 8 vite, duke qenë i ishte pranuar kërkesa e Tahirit për gjykim të shkurtuar.

Në një seancë maratonë, Gjykata e Krimeve të Rënda, rrëzoi pretencën e Prokurorisë, duke dhënë 3.4 vite shërbim prove për ish-ministrin.

Po ashtu ndaj Tahirit ranë të gjitha akuzat për trafik droge në bashkëpunim dhe grup të strukturuar kriminal mbi të cilat Prokuroria kërkoi që ish-ministri  të dënohej me 12 vite heqje lirie.

Trupa gjykuese te Krimet e Rënda e dënoi Tahirin vetëm për ‘shpërdorim detyre’.