LIGJET E BIZNESIT
Ditën e sotme janë identifikuar trupat e 39 personave të cilët u gjenden të pajetë brenda në një kamion në Essex, Angli.
Mësohet se ata janë të kombësisë kineze dhe policia po vazhdon të marrë në pyetja shoferin e kamionit Mo Robinson, 25 vjeçari nga Irlanda e Veriut i cili u arrestua pas dyshimeve për vrasje.
Kamioni me emigrantët e paligjshëm ishte nisur nga Bullgaria.
Fillimisht u deklarua se kishte hyrë në Angli nga Irlanda e Veriut por më vonë u konstatua se ishte future nga Belgjika.
Viktimat, 38 të rritur dhe 1 adoleshent u zbuluan ditën e djeshme në kamion në zonën e Parkut Industrial Waterglade në Grays në orën 01.30 (lokale).
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shkak i vdekjes së emigrantëve janë bërë temperaturat e ulëta. Trajleri funksiononte edhe si frigorifer, pasi temperaturat shkonin deri -25C.
Kjo është cilësuar si tragjedia më e madhe në Britani, ndërsa vdekja e 39 personave ka qenë makabre dhe e ngadaltë. Sipas mediave britanike, emigrantët kanë udhëtuar rreth 15 orë në ato kushte.
Pavarësisht thirrjeve të tyre për ndihmë askush nuk i ka dëgjuar sipas ekspertëve, pasi lidhja me kabinën e shoferit ka qenë e pamundur, duke shkaktuar më pas vdekjen e ngadaltë të të gjithë udhëtarëve.
Kryeministri britanik Boris Johnson e cilësoi si tragjedi atë që kishte ndodhur, ndërsa tha se përgjegjësit e kësaj ngjarje të rëndë do të dalin përpara drejtësisë, dhe duhet ti jepet fund emigracionit të paligjshëm.
