Tragjedi në Pogradec. Nënë e bijë mbyten në rezervuarin e fshatit

Një ngjarje e rëndë ka ndodhur në Pogradec. Nënë e bijë kanë humbur jetën, pasi janë mbytur në rezervuarin e fshatit Alarup.

Nga të dhënat paraprake mësohet se viktimat janë L.Mazelli 36-vjeç dhe vajza e saj, E.Mazelli 10-vjeçare, banore të fshatit. Trupat e tyre po nxirren nga rezervuari.

Ende nuk dihen detajet e tragjedisë, paraprakisht mendohet se e ëma, që ndërkohë po punonte në arë, ka tentuar të shpëtojë të bijën që duke lozur kishte përfunduar në rezervuar. Policia ndodhet në vendngjarje dhe po heton mbi shkaqet e fatkeqësisë.