Toyota habit me risinë e saj, nxjerr në treg makinat më të vogla se ‘Smart’

Makina për përdorim urban, më shumë është e destinuar për të moshuar.Revolucionit të makinave hibride, Toyota i ka hyrë që në vitin 2000, kur e prodhoi për herë të parë modelin Prius, transmeton Telegrafi.

Por, që atëherë ky prodhues japonez, ka punuar shumë në zhvillimin e teknologjisë hibride, por nuk ka zhvilluar ndonjë makinë që mbushet në tërësi me rrymë.

Tani duket se Toyota është gati të plotësojë edhe këtë nevojë të tregut, derisa të gjitha modelet e zhvilluara deri më tani, do t’i prezantojë në Tokyo Motor Show.

Mes këtyre makinave, është Ultra-Compact BEV, që me përmasa prej 2.4 metra gjatësi, 1.2 metra gjerësi dhe 1.5 metra lartësi, është për disa centimetra më i shkurtët dhe u ngushtë se Smart ForTwo.

Fillimisht, Toyota do t’i lansojë këto makina në Japoni, për të vazhduar edhe për shtete tjera, që duan të kenë këto modele praktike dhe të mira.