Tmerr në Mirditë, dhunohen dy rojet e firmës që do ndërtojë HEC-in, digjen dhe 4 makina

Një ngjarje e rëndë ka ndodhur mbrëmjen e djeshme në Mirditë.

Dy rojet e makinerive të firmës që do të ndërtojë HEC-et kanë rënë pre e dhunës nga persona ende të panjohur, ndërkohë që autorët kanë djegur dhe 4 makina.

Mësohet se personat e dhunuar janë transportuar për në spitalin e Rrëshenit për të marrë ndihmën e nevojshme mjekësore dhe ndodhen jashtë rrezikut për jetën.

Burime nga policia bëjnë me dije se nuk ka mbërritur ende asnjë denoncim nga ana e personave u dhunuan.

Kujtojmë se banorët e Kaçinarit kanë protestuar vazhdimisht kundër ndërtimit të HEC-ve në këtë zonë. Ata shprehen se mendimi i tyre nuk është marrë në konsideratë, ndërsa firma ka vendosur makineritë e ndërtimit në zonë pa e konsultuar paraprakisht me ta.