Tiranë/ Plagos me thikë kushëririn, arrestohet 44-vjeçari

Policia e Tiranës ka arrestuar një 44-vjeçar pasi ka plagosur me thikë kushëririn për motive pronësie.

Uniformat blu bëjnë me dije se në pranga ka rënë shtetasi: R. H., 44 vjeç, banues në Tiranë.

Në vendin e quajtur kodër Kashar 2, ky shtetas pas një konflikti për motive pronësie, ka plagosur me mjet prerës në trup kushëririn, shtetasin K. H., 36 vjeç, i cili ndodhet në Spitalin e Traumës, nën kujdes mjekësor.

Materialet iu dërguan Prokurorisë pranë Gjykatës së Shkallës së Parë Tiranë për veprën penale “Vrasja e mbetur në tentativë”.