LIGJET E BIZNESIT
Mëngjesi i sotëm ka nisur me tensione në Tiranë, pasi pritet të vijojë prishja e banesave në Shkozë, në kuadër të projektit të Unazës së Madhe.
Forca të shumta policia dhe FNSH kanë mbërritur në Shkozë dhe kanë rrethuar dy prej banesave.
IKMT ka nisur prishjen e tyre edhe pse banorët kanë hasur në kundërshti.
Partia Demokratike ka bërë me dije se në vendngjarje është dhe ish-deputeti Aldo Bumçi që do të mbështesë banorët.
Edhe ditën e sotme priten përplasje mes banorëve dhe policisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se dje gjatë aksionit të IKMT ku u prishën 3 ndërtesa, banorët u përplasën me policinë dhe si për pasojë u arrestuan 4 persona.
Banorët pretendojnë se banesat janë të legalizuara dhe një prej tyre është në process.
Dje ata i kanë kërkuar policisë vendimin për prishjen e shtëpive të tyre por deri më tani, ata nuk u kanë treguar asnjë lloj vendimi që të legjitimojë veprimin e IKMT-së.
