Sulm ushtarak turk/ Si u përdhunua dhe u vra politikania kurde

Ishte nisur të merrte pjesë në një takim në Hasakah me disa aktivistë nga partia e re, ku ishte sekretare e përgjithshme, “Partia Siriane e Ardhmërisë”, por  mbi makinën e saj u qëllua me mitraloz. Më pas ajo u tërhoq nga makina, e u përdhunua përpara se të vritej me gurë në mes të rrugës.

Të gjithë eksponentët kryesorë politikë dhe ushtarakë kurdë shkuan në funeralin e 35-vjecares Hevrin Khalaf   në Derek, një fshat përgjatë kufirit me Irakun.

Khalafin, një grua e fortë, aktiviste për mbrojtjen e të drejtave civile, e përkushtuar për mbrojtjen e më të dobëtëve, e njihnin të gjithë në Qamishli, Kobane dhe Raqqa.

Ajo kishte mësuar anglisht në një moshë shumë të re, ishte bërë inxhiniere dhe qe përkushtuar të ndihmonte gratë.

“Ishte gjithmonë e pranishme në takimet me delegacionet e huaja. Elegante dhe e matur, kishte marrëdhënie të drejtpërdrejta me diplomatët amerikanë dhe evropianë”, thonë bashkëpunëtorët e saj. Mediat lokale zbulojnë detaje të frikshme rreth vdekjes së saj.

Mendohet gjerësisht se autorët e krimit janë milicët pro-Turqisë.