Një ngjarje e rëndë ka ndodhur rreth orës 13:00 të ditës së sotme në qendër të Parisit, ku një burrë ka vrarë me thikë katër oficerë policie.
Sipas mediave franceze sulmi ka ndodhur në selinë qendrore të policisë në Paris dhe dyshohet se agresori është anëtar i stafit.
Identiteti i tij ende nuk bëhet i ditur por sipas informacioneve ai është qëlluar për vdekje nga policia.
Zona në “la de la Cite” në qendër të Parisit është mbyllur.
Sulmi vjen një ditë pasi policia hyri në grevë në Francë për shkak të rritjes së dhunës ndaj oficerëve.
Kryeministri francez Edouard Philippe dhe Ministri i Brendshëm Christophe Castaner janë të dy në vendin e ngjarjes ndërkohë që ende nuk është dhënë ndonjë deklaratë zyrtare.
