LIGJET E BIZNESIT
Drejtuesja e Prokurorisë së Krimeve të Rënda Donika Prela ka depozituar një kërkesë në Këshillin e Lartë të Prokurorisë (KLP), të cilit i kërkon emërimin e saj në Prokurorinë e Përgjithshme ose në Apel.
Në kërkesën e Prelës, thuhet se nëse nuk ka vend emërimi në Apel do të preferonte një komandim në Prokurorinë e Përgjithshme.
Ashtu si e konfirmon edhe KLP, kërkesa e prokurores Prela është depozituar në ditët e para të tetorit.
Kujtojmë se Donika Prela aktualisht është drejtuese e komanduar e Prokurorisë së Krimeve të Rënda, por me krijimin e Strukturës së Posacme Antikorrupsion, ky organ shkrihet dhe kjo gjë do të thotë një rikthim në Prokurorinë e Durrësit për të, aty ku ajo ka dhe emërimin.
Fillimisht kërkesa e Prelës do të shqyrtohet nga Komisioni i Karrierës e më pas do të merret një vendim nga ana e KLP.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pak ditë më parë prokurorja Donika Prela u skualifikua nga gara për një vend në KLP.
Asambleja e Përgjithshme e Prokurorisë e përjashtoi prokuroren Donika Prela për shkak se ajo mbërriti me vonesë në mbledhje. Vendi bosh në KLP u fitua me shumicë votash nga prokurorja Esmeralda Keshi.
Më herët Donika Prela është përjashtuar edhe nga kandidimi për një post në SPAK. KLP nuk e përfshiu kandidaturën e saj në listën e 15 kandidatëve të SPAK, duke mos dhënë shpjegime.
