LIGJET E BIZNESIT
Presidenti Ilir Meta e ka nisur ditën e diele ndryshe nga herët e tjera.
Kujtojmë se sot është 13 tetori, datë të cilën pak muaj më parë Meta e dekretoi si ditën ku do të mbaheshin zgjedhjet lokale, pas anulimit që i bëri datës së 30 qershorit si ditë zgjedhjesh.
Mirëpo kjo datë u prit me kontestime nga ana e mazhorancës, të cilët këmbëngulën se nuk mund të quhej dhe se e vetmja datë e vlefshme ishte ajo e 30 qershorit.
Kreu i Shtetit sot, në ditën që mund të ishte dhe dita e zgjedhjeve lokale, është shfaqur në breg të detit duke xhongluar topin.
“E diela është më e bukur kur nis sportive!”, shkruan presidenti krahas videos.
Ende nuk dihet cili do të jetë qëndrimi i tij në lidhje me ditën e sotme, nëse do të ketë një reagim apo jo, por deri atëherë të gjithë ndjekësit janë habitur nga ‘talenti i pazbuluar’ i presidentit, për të cilin askush më parë nuk kishte dijeni.
