Shqiptarët i grabitën shtëpinë, flet gruaja e futbollistit

Bashkëshortja e futbollistit vazhdon ene të jetë  e shokuar pas grabitjes së shtëpisë së futbollistit të njohur Alvaro Morata, pranë Madritit.

Gruaja gjithmonë ka zgjedhur të hesht për episodin e ndodhur rreth një vit më parë, por ajo foli ditët e fundit për një program sportiv spanjoll.

“Ato ditë ishin shumë të vështira. Unë as nuk mund ta laja fytyrën sepse të mendoja dhe kisha frikë se dikush ishte pas meje. Ishte e vështirë“, tha ajo.

Ndërkaq, grabitja e ndodhur qershorin e kaluar, gruaja e re e kampionit spanjoll ndodhej brenda në banesë së bashku me binjakët. Banda hyri në shtëpinë e Moratës, duke bastisur gjithçka që mund të merrte.

Gruaja në atë kohë ishte vetëm sepse burri i saj ishte me ekipin kombëtar dhe vetëm pas disa orësh mësoi për atë që ndodhi. Për fat të mirë, episodi përfundoi pa ndonjë dëmtim fizik për Alice Campello dhe binjakët.

“Unë nuk dëshiroj që dikush ta jetojë këtë përvojë me familjen në shtëpi“, tha Alice Campello në televizionin spanjoll.

Me sa duket hajdutët ishin të armatosur me armë dhe nuk prisnin të gjenin gruan e futbollistit në shtëpi. Kur policia ndërhyri, hajdutët tashmë kishin arritur të shpëtonin, por pas disa muajsh oficerët e zbatimit të ligjit kishin mposhtur bandën.