Prokuroria e Kosovës ka nisur hetimin e kandidatit për deputet të koalicionit AAK-PSD Dardan Molliqaj, i cili është njëkohësisht dhe burri i ministres së Arsimit Besa Shahini në Shqipëri.
Hetimet gjithashtu kanë nisur edhe për shoqëruesin e tij, Fatos Sahiti, ku të dy akuzohen se kanë sulmuar kandidatin për deputet nga rradhët e VV-së, Haki Abazi.
Burime nga Prokuroria e Shtetit thanë për mediat kosovare se Molliqaj e Sahiti po hetohen për sulmin në fjalë dhe më pas do të vendoset nëse do të ketë aktakuzë.
“Në rastin konkret ka dy të dyshuar. Prokuroria deri tani ka nxjerrë aktvendim për fillimin e hetimit të tyre. Rasti është në procedurë e sipër”, -tha Kujtim Munishi, kryeprokuror i Prokurorisë Themelore në Prishtinë.
