SHBA godet mallrat europiane me tarifa të larta

Blerësit e Shteteve të Bashkuara do t’i blejnë më shtrenjtë disa nga prodhimet e vendeve të Bashkimit Europian pasi të premten SHBA-ja vendosi tarifa ndaj mallrave të BE-së.

Ndërkohë, pas vendosjes së tarifës me vlerë prej 7.5 miliardë dollarëshe, BE-ja theksoi se nuk do të ketë zgjidhje tjetër por do të reagojë me tarifa të ngjashme.

Produktet që do të preken me tarifën e re do të jenë disa lloje të djathit, verës, uiskit dhe vajit të ullirit.

Por shqetësimet vazhdojnë pasi flitet se SHBA-ja mund të vendosë tarifa dhe mbi makinat europiane ku pritet të zbatohet nga mesi i nëntorit.

Gjithashtu, referuar një raporti të publikuar në muajin qershor, BE shprehet se vitin e kaluar, në 59 vende të ndryshme është përballuar me 425 barriera tregtare.

Komisionarja për Tregti e BE-së, Cecilia Malmstorm është shprehur se proteksionizmi është qartazi në rritje

Ndërsa administrata e presidentit Donald Trump, në një luftë të ngjashme është edhe me Kinën.