Kryeministri Edi Rama ka qenë sot i pranishëm në forumin e dytë Rajonal që është mbajtur në Tiranë me temë “Fund dhunës ndaj grave në Ballkanin Perëndimor dhe në Turqi: Zbatojmë Normat, Ndryshojmë Mendësitë” .
Në fjalën e tij Rama theksoi se për një muaj e gjysmë qeveria do dalë me një projektligj e propozim konkret për dhunën ndaj grave.
Ndër të tjera ai shtoi se duhet të mendohet dhe për një mënyrë tjetër, atë të riedukimit dhe izolimit të burrave dhunues nëpërmjet ngritjes së qendrave.
“Ky proces i kalbur i drejtësisë ka krijuar një zinxhir të gjatë ngjarjesh tragjike, presioni e dhune. Kemi parë rastë që janë të padurueshme, kanë qënë raste kur gratë janë dhunuar dy herë. Pasi janë dhunuar në muret e shtëpisë, janë dhunuar edhe në prokurori pasi është mbajtur ana e burrit. Unë nuk jam personi i duhur për të folur për atë që mendoj se jam në pakicë. Të shkojmë në një nivel më lartë me kuadrin ligjor dhe me instrumentet që luftojnë dhunën në familje dhe shumë shpejt do të dalim me një propozim që do të jetë shumë i rreptë.
Duhet të mendojmë edhe për qendrat riedukative për burrat që trajtojnë gratë keq. Ti e bën dhe i shpëton kësaj për shkak të një sistemi të kalbur të drejtësisë. Nuk duhet të jetë kaq e thjeshtë. Duhet të ketë edhe një të mesme që do i bëjë këta burra të japin llogari. Është shumë e rëndësishme që të shkojmë hapa më tutje me këtë.
Duhet t’u ofrojmë grave një mbrojtje të drejpërdrejtë dhe të menjëhershme. Unë marr shumë mesazhe nga njerëz, jetojmë në një vend të vogël, jemi të gjithë kushërinj.
Nuk ka asnjë ditë të vetme që unë të mos marr një mesazh nga një grua që ëhstë nën kërcënim dhe është e pambrojtur. Nuk mjafton thjesht ti themi shko ankohu në polici.
Duhet që të ofrojmë një garaci të drejpërdrejtë. Edhe burrat që janë të dyshuar që të veprojnë në këtë mënyrë duhet të largohen nga shtëpia dhe të izolohen. Se ku dhe si kjo është një pikëpyetje shumë e madhe.
‘Si’ mund ta gjejmë nëse doni të luftoni kundër burrave. Ka mënyra,ne po i mendojmë këto dhe ka të bëjë me faktin se sa gati jemi ne për ta nmgritur stekën dhe sa gati jemi për të thënë dhe për ta paerashikuar në legjislacion se dhuna ndaj grave është një krim i rëndë. Kur dy burra zihen me njëri tjetrëin është një krim i zakonshëm, por kur një burrë dhunon një grua është krim i rëndë. e trajton sio vepër penale të rëndë dhe e kanalizon në forma të tjera.
Shume shpejt, për nje muaj e gjysme do dalim me nje propozim per te cilin po punojme, mund te jete kontrovers por me mire ta kemi si propozim se sa të qëndrojmë në vend numëro. Eshte me mire te jesh ketu se sa ne Parlament ne fakt”.
