Në Kosovë rezultati i zgjedhjeve të parakohshme është shumë pranë shpalljes, ndërkohë që një mesazh urimi për Albin Kurtin ka ardhur dhe nga kryeministri Edi Rama.
Ai ka uruar Albin Kurtin për fitoren dhe nuk ka munguar edhe një urim gjithashtu edhe për Vjosa Osmanin, partia Lidhja Demokratike e Kosovës e së cilës doli e dyta në renditje.
Kurse për Kadri Veselin, kreun e Partisë Demokratike të Kosovës, Rama shkruan se ky pranim i rezultatit nga ana e tij ishte shëmbullor.
“Urime Kosovës për zgjedhjet e suksesshme parlamentare. Urime Vetëvendosjes e Albin Kurtit për rezultatin më të mirë. Urime LDK e Vjosa Osmanit për rezultatin e dytë më të mirë. Urime PDK e Kadri Veselit për pranimin shembullor të rezultatit. Sa më e mbarë dita e re për Kosovën”, shkruan Rama në Twitter.
