Rudina Hajdari gjen zgjidhjen e vetme për të ‘ndrequr’ Shqipërinë

Deputetja e opozitës se re Rudina Hajdari ka treguar sipas saj zgjidhjen e vetme që në Shqipëri të zhvillohen zgjidhje të lira dhe të ndershme.

Me anë të një postimi në rrjetet sociale, Hajdari e cila është njëkohësisht dhe bashkëkryetare e Komisionit të Reformës Zgjedhore ka deklaruar se që të mbahen zgjedhje të lira  duhet të zhbëhet marrëveshja e 2008-ës dhe të miratohen rekomandimet e OSBE/ODHIR-it.

Ndër të tjera deputetja kërkon zgjedhje të parakohshme parlamentare e lokale.

“Zgjidhja është vetëm 1, brenda Dhjetorit të zhbëhet marrëveshja e 2008, të miratohen rek OSBE/ODHIR-it dhe vetëm më pas të kemi zgjedhje të parakohshme parlamentare e lokale dhe ta ndreqim këtë vend. Boll me kryetarë perandorakë që e kanë shkatërruar demokracinë në këtë vend”, shkruan Hajdari.