Prej 1 viti në protestë/ Policia ‘zbarkon’ në Astir, nisin arrestimet ndaj banorëve të Unazës së Re (VIDEO)

Policia e Tiranës ka nisur arrestimet mëngjesin e sotëm në zonën e Astirit te Unaza e Re, aty ku banorët po protesojnë tashmë prej një viti kundër shembjes së banesave të tyre.

Mësohet se banorët e arrestuar janë Ilir Katiraj dhe Gramoz Shehu.

Gjithashtu është arrestuar edhe Skënder Doda, i cili është pronari i lokalit, ashtu si duket edhe në pamjet e videos së mëposhtme.

Ndërkohë, është paralajmëruar protestë në zonë.

“Banorët e Unazës së Re njoftuan se janë shoqëruar në polici disa nga zërat kryesorë të protestës. Edhe në këto momente policia është atje, ndërsa gratë po mblidhen tek vendi i protestës”, thuhet në një reagim zyrtar nga zyra e shtypit pranë Partisë Demokratike.