Mjeshtri i njohur i polifonisë labe Golik Jakupi, ka arritur të mahnitë deputetët britanik në Parlamentin anglez me këngën “Hapu moj Evrop”, gjatë një turi në shtetin anglez.
Ndërkohë suksesi i kësaj kënge është pasqyruar në portale të ndryshme por nga familja Lila nuk u prit dhe aq mirë pasi artisti Maliq Lila, i cili ishte autori i këtij teksti nuk u përmend në asnjë nga radhët e raportimeve në media.
I biri i Maliq Lilës, Marsia Lila ka kontaktuar nga Media Look, duke deklaruar se i ati është autori i shumë teksteve te këngëve te Grupit Bënçe.
Ndër të tjera Marsiasi tregon se ky tekst si dhe shumë tekste të tjera të kënduara nga Grupi i Bënçës janë përmbledhur në një vëllim me poezi i titulluar “Jashtë hënë e pjekur” me autor, artistin e nderuar me medaljen “Naim Frashëri i artë”, Maliq Lila.
Ndërkohë grupi polifonik i Bënçës zhvilloi një turne në Britani me qëllim promovimin e dokumentarit ‘Të larë nga Hëna’, e cila është një ode në polifoninë unike të vokalit të Shqipërisë së Jugut.
