Policia e Gjirokastrës ka kryer që në orët e para të mëngjesit të sotëm një operacion në fshatin Lazarat, për personat e shpallur në kërkim për drogë.
Si pasojë e aksionit kanë rënë në pranga 4 persona, të shpallur në kërkim për kultivim lëndësh narkotike.
Mësohet se të arrestuarit janë Tahir Brahimi, i dënuar me 6 muaj burgim nga Gjykata e Shkallës së Parë Tiranë, për veprën penale të parashikuar nga neni 236 i Kodit Penal. Po kështu në prangat e Policisë kanë rënë Ago Rabaj, Çoman Rabaj dhe Blerim Rabaj, për të cilët Prokuroria Pranë Gjykatës së Shkallës së Parë Gjirokastër ka lëshuar urdhër ndalimi për veprën penale të parashikuar nga neni 284 i Kodit Penal, “Kultivim i bimëve narkotike”.
